میرزا ملکم خان

 

میرزا ملکم خان

 میرزا ملکم خان( تورکجه: میرزه مۆلکۆم خان، ارمنی: Joseph (Hovsep) Melkumyan) ؛ (۱۹۰۸-۱۸۳۳) — ارمنی اصیللی ایران دیپلوماتی، قزئته‌چی‌سی، سیاستچی‌سی. 

یاشاییشی

  میرزا ملکم خان 1833-جو ایلده ایصفاهاندا بیر ارمنی عاییله‌سینده دونیایا گؤز آچمیشدیر. ملکم خان فرانسه‌ده تحصیل آلمیش، ایراندا «فراموشخانه» آدلی بیر ماسون تشکیلاتی قورموشدور. «قانون» قزئتینی نشر ائدن ملکم خان چاغداش بیر جمعیت قورماق مقصدی گودوردو. میلّتچی‌لیک اونون تفکّّورونده مرکزی یئر توتموردو. فقط اونون فعالیت‌لری فارس میلّتچی‌لیگی‌نین اینکیشافی اوچون ایلهام قایناغی اولموشدور.

ناجی العلی

 

ناجی العلی

 ناجی العلی (عرب. ناجي سليم حسين العلي‎ ؛ 1937 الشجرة[1]– 29 آقوست 1987، لندن) - فلسطینلی کاریکاتوریست. عرب اؤلکه‌لری‌نین آپاردیغی سیاستی و ایسرائیلی تنقید ائدن کاریکاتورالاری ایله مشهورلاشمیشدیر. فلسطینلی و عرب سیاسی خادیم‌لری ایله باغلی سرت اوسلوبلو کاریکاتورلاری ایله تانینان ناجی العلی فعالیتی دؤورونده توپلامدا 40.000 دن چوخ کاریکاتورا چکمیشدیر. ناجی العلی داها چوخ حنظله آدلی کاریکاتورا پرسوناژی‌نین یارادیجی‌سی کیمی خاطیرلانیر. حنظله قیسا زاماندا مشهورلاشاراق، فلسطین آزادلیق حرکاتی‌نین سمبول‌لاریندان بیرینه چئوریلمیشدیر. 

  ناجی العلی لندن‌ده ایشله دیگی و کووئیته عایید اولان القبس قزئتی‌نین دفتریندن چیخارکن سیلاحلی هوجوما معروض قالمیش و آغیر یارالانمیشدیر. سوء-قصد جهدی 1987-جی ایلین 22 ژوئن تاریخینده باش وئرمیشدی. کاریکاتوریست اوزوندن آغیر یارالاندیغیندان 5 هفته اؤزل طیبی باخیمدا ساخلانیلسادا همین ایلین 29 آقوست تاریخینده وفات ائتمیشدیر. ناجی العلی‌نین سوء-قصدی‌نین اساس سببی کیمی تنقیدی مؤوضولاردا چکدیگی کاریکاتورلار گؤستریریلدی. عرب دونیاسی ایسه باش وئرمیش سوی-قصده گؤره موسادی ایتّیهام ائتدی. 

ادامه نوشته

کمال‌الدین بهزاد

 

کمال‌الدین بهزاد

کمال‌الدین بهزاد (1455-1536) — شرقین گؤرکملی اوستاد رسام‌لاریندان بیری، صفوی‌لر سارای کیتابخاناسی نین رئیسی.[1] 

یاشاییشی

  بهزاد تئیموری‌لرین پایتاختی و دؤورونون موهوم تیجارت، ایقتیصادی و مدنی مرکزی اولان هراتدا (ایندیکی افغانیستاندا) دوغولموش و حیاتی‌نین چوخ حیصه‌سینی بورادا کئچیرمیشدیر. یئتیم قالان رسام اؤنملی بیر رسام اولان میرک نقاشدان تحصیل آلمیش و علیشیر نوایی‌نین شاگیردی اولموشدور. هراتدا ان بؤیوک حامی‌لری تئیموری سولطانی حسین بایقارا (او، 1469-1506-جی ایللرده تاختدا ایدی) و اطرافینداکی دیگر امیرلر ایدی. هراتین فتحیندن سونرا صفوی شاهی1. اسماعیل طرفیندن تبریزده آپاریلمیش و اورادا سولطانین اعمالاتخاناسی نین مودیری کیمی سونراکی صفوی رسام‌لیغی نین اینکیشافینا موهوم تاثیر گؤسترمیشدیر. 

ادامه نوشته

عبدالرحمن جامی

عبدالرحمن جامی (تام آدی:نورالدّین عبد الرّحمن بن احمد بن محمد جامی) – بؤیوک فارس- تاجیک شاعیری، موسیقی‌شوناسی، فیلوسوف و عالیمی. 

یاشاییشی

  بؤیوک فارس تاجیک شاعیری، موسیقی‌شوناسی، فیلوسوف و عالیمی عبدالرحمن نورالدین ابن احمد هیجری قمری ایله 817-جی ایل شعبان آیی‌نین 8-ده، میلادی ایله 1414-جو ایل نووامبرین 7-ده توربت جام شهرینده (خوراسان) آنادان اولموشدور.

ادامه نوشته

دونیانی خیلاص ائدن آدام: ایستانیسلاو پتروف

 

ایستانیسلاو پتروف

ایستانیسلاو پتروف (روس.Станислав Евграфович Петров) (دوْغوم:7 سپتامبر 1939- اؤ‌لوم:19 مئی 2017)-روساستراتژی راکت قووّه‌لری‌نین سابیق پولکوونیک-لئیتینانتی(سرهنگ2). 26 سپتامبر 1983-جو ایلده رادارلاردا آمریکانینشوروی‌یه قارشی کوتلوی راکت هوجومونا باشلادیغینی گؤرور. اوّلکی تجروبه‌لرینه اساس‌لاناراق بونون کامپیوترلرین سهوی اولا بیله‌جگینی دوشونور و روس اوردوسونون پروسدورالارینا محل قویمایاراق گؤزله‌مگه قرار وئریر. اونون بو قراری حربیچی کاریئراسینی بیتیرسه ده، شوروی طرفیندن آمریکایا ائدیله‌جک نووه هوجومونون قارشی‌سینی آلماقلا نووه ساواشی‌نین باش وئرمه‌سینی اؤنله‌ییر. 

یاشاییشی

ادامه نوشته

اودسا شهری

اودسا

اوْدسا (اوکراین. Одесаː؛ 1794-جو ایله کیمی حاجی‌بَی) — قارا دنیزین شیمال-غرب ساحیلینده یئرلشن شهردیر، اوْدسا ویلایتی‌نین ایداری مرکزی و اوکراین‌ین ان بؤیوک لیمانی‌دیر. اهالی‌نین سایینا گؤره اوْدسا کیئف‌دن وخارکیف‌دن سونرا اوکراین‌دا اوچونجو یئرده‌دیر. اوْدسانین اؤزونون چای لؤوبری شکلینده گئربی، شهرین ایستاتوسونو عکس ائتدیرن بایراغی و هیمنی وار. 

  اوْدسا شهری‌نین تاریخی 1794-جو ایلدن باشلاییر. 1794-جو ایلین 27 مئی‌ینده (7 ژوئن)، ایمپراتریچا 2 . یکاترینا، حاجی‌بَی یئرینده شهرین و لیمانین یارادیلماسی حاقیندا فرمان درج ائتدی، و آرتیق 22 آقوستدا (2 سپتامبردا) شهرین اساسینا بیرینجی دیرک‌لر وورولموشدور. شهر روسیه اوردوسونون موهندیس-پولکوونیکی فرانس دِووْلان طرفیندن تشکیل ائدیلمیش پلان اوزره تیکیلمیشدیر. 

ادامه نوشته

خارکیف شهری

خارکیف

خارکیف (اوکراین. Харків) — خارکیف ویلایتی‌نین ایداری مرکزی اولان اوکراین‌ین شرق حیصه‌سینده‌کی  ان بؤیوک شهردیر. اهالی‌نین سایینا گؤره خارکیف کیئف‌دن سونرا اوکراین‌دا ایکینجی یئری توتور. واختیله شهر موسکو و لنینقراددان سونرا شوروی‌نین اوچونجو اؤلچو اوزره صنایع، علمی و نقلیات مرکزی ایدی. 

تاریخی

  خارکیف تخمیناً 1654-جو ایلده قدیم روس شهری اولان خارکیف‌ین یئرینده یارادیلمیشدیر. 1918-جی ایلین فوریه-مئی‌نده خارکیف دونتسکو-کریووروژسکی جومهوریتی‌نین پایتاختی رولونو اویناییردی، 1918-جی ایلین مارس-آوریلینده اوکراین‌ شوروی سوسیالیست جومهوریتی‌نین پایتاختی اولموشدور، 1919-جو ایلین مارس‌— ژوئن‌ینده و 1919-جو ایلین دسامبریندان 1934-جو ایلین ژوئن‌ینه  قدر اوکراین شوروی سوسیالیست جومهوریتی‌نین پایتاختی اولموشدور.

ادامه نوشته

بابا کوهی باکووی

بابا کوهی باکووی (948، شیراز[1] – 1037، شیراز) — آذربایجان‌دا دوغولموش مشهور شاعیر و عالیم. 10-11. عصرین سیاحی، تدقیقاتچیسی، موحدّیث.[2]  

یاشاییشی

  باکی‌دان چوخ-چوخ اوزاقلاردا، شیراز شهرینده یئرلی اهالی‌نین و چوخ‌سایلی زووارلارین زیارتگاهینا چئوریلمیش بیر مزار وار. بو مزار باره ده چوخلو روایت‌لر دانیشیرلار. همین روایت‌لردن بیرینده دئییلیر کی، شرقین داهی صنعتکاری، بؤیوک ایران شاعیری حافظ شیرازی اؤز پوئتیک وئرگی‌سینی بیرجه گئجه بو مزارین یانیندا دوعا اوخویاندان سونرا قازانمیشدیر. باشقا بیر روایته گؤره، شیروانشاه‌لاردان بیری‌نین قیزی اؤز مرحوم سئوگیلی‌سینه یاخین اولماق، اونون قبرینه و بوتون موسلمان عالمیندن زیارتینه گلن‌لره قوللوق ائله‌مک مقصدیله بورایا گلمیش اؤلنده ایسه اونون یانیندا دفن اولونموشدور. شیروانلی بابا کوهی باکووی ساغلیغیندا بئله بؤیوک حؤرمت-عیزّت قازانمیش و اؤلوموندن سونراکی مین ایل عرضینده ده دایم درین رغبتله خاطیرلانان شخص‌لردندیر. یئنی دؤورون منبع‌لرینده ایلک دفعه  اونون آدینا عباسقولو آغا باکیخانوفون  "گلستان ارم"  اثرینده راست گلیریک:  " تاریخچی‌لرین دئدیگینه گؤره، شیخ ابو عبدالله علی بن محمد باکیلی هم دونیوی، هم ده روحانی علم‌لر ساحه‌سینده سئچیلیردی. او، اوشاق‌لیق ایللریندن دؤورونون ان گؤرکملی عالیم‌لریندن شیخ عبدالله خفیف‌دن، شیخ ابوالقاسم قرشی‌دن و باشقالاریندان درس آلمیش، مشهور شیخ ابو سعید ابو الخیر علمی موباحیثه‌یه گیریشمیش و اونون بیلیگینی یوکسک قییمت‌لندیرن شیخ ابوالعباس نهاوندی ایله اوزون مودت علاقه  ساخلامیشدیر. عؤمرونون سون ایللرینده او، خلوته چکیله‌رک، شیراز یاخین لیغیندا بیر ماغارادا یاشامیش، شرقین ان ساوادلی عالیم‌لری بورادا اونون زیارتینه گلمیشلر. او،1051-جی ایلده آللاهین رحمتینه قوووشموشدور. "  

ادامه نوشته

  

دونیانین تورپاق خریطه‌سی

تورپاق جوغرفیاسی

تورپاق جوغرفیاسی— دونیا اوزره تورپاق‌لارین یاییلماسی‌نین قانونااویغولوغونو اؤیرنن علمدیر. تورپاق‌لارین جوغرافی یاییلماسی‌نین قانونااویغون‌لوقلاری یئر سطحینده طبیعی شراییطین یاییلماسی قانونااویغون‌لوقلارینا تابعدیر. بو علم هم تورپاق‌شوناس‌لیغین،هم ده فیزیکی جوغرفیانین ترکیب حیصه‌سی‌دیر. 

تورپاق جوغرفیاسی‌نین قورولوشو

تورپاق جوغرفیاسی ایکی حیصه‌دن عیبارتدیر: 

1.  عومومی 
2.   بؤلگه‌سل 

  عومومی تورپاق جوغرفیاسی اساساً تورپاق عمله گلمه‌نین و تورپاق‌لارین یئر کوره‌سی اوزره یاییلماسی‌نین قانونااویغون‌لوقلارینی،بؤلگه‌سل تورپاق جوغرفیاسی ایسه تورپاق‌لارین زونال‌لاشماسینی و کونکرت بؤلگه اوزره یاییماسینی اؤیره‌نیر [1].

 

ادامه نوشته