خارکیف شهری
خارکیف
خارکیف (اوکراین. Харків) — خارکیف ویلایتینین ایداری مرکزی اولان اوکراینین شرق حیصهسیندهکی ان بؤیوک شهردیر. اهالینین سایینا گؤره خارکیف کیئفدن سونرا اوکرایندا ایکینجی یئری توتور. واختیله شهر موسکو و لنینقراددان سونرا شوروینین اوچونجو اؤلچو اوزره صنایع، علمی و نقلیات مرکزی ایدی.
تاریخی
خارکیف تخمیناً 1654-جو ایلده قدیم روس شهری اولان خارکیفین یئرینده یارادیلمیشدیر. 1918-جی ایلین فوریه-مئینده خارکیف دونتسکو-کریووروژسکی جومهوریتینین پایتاختی رولونو اویناییردی، 1918-جی ایلین مارس-آوریلینده اوکراین شوروی سوسیالیست جومهوریتینین پایتاختی اولموشدور، 1919-جو ایلین مارس— ژوئنینده و 1919-جو ایلین دسامبریندان 1934-جو ایلین ژوئنینه قدر اوکراین شوروی سوسیالیست جومهوریتینین پایتاختی اولموشدور.
نقلیات
موعاصیر خارکیف اؤلکهنین ان بؤیوک نقلیات قووشاقلاریندان بیری حساب ائدیلیر. اونون ایچریسیندن دمیر و شوسه یوللاری کئچیر، همچنین بین الخالق هاوا لیمانی وار. شهرین اؤزونده کوچه ایجتیماعی نقلیاتینین شؤعبهلره آیریلمیش شبکهسی فعالیت گؤستریر: مارشروت تاکسیلری، اوتوبوسلار، ترولی اوتوبوسلار، تراموالار. 1975-جی ایلدن خارکیفده 3 خطدن عیبارت اولان و شهرین 9 ایداری اراضیسینی بیرلشدیرن مترو ایشلهییر.
تحصیل
حال-حاضیردا خارکیفده موختلیف مولکیت فورمالارینین و آکردیتاسیون سوییهلرینین 69 عالی مکتبی موتخصیصلری حاضیرلاییرلار. اونلارین آراسیندا 17 بیلیمیوردو و 9 آکادمی وار.
خارکیفین بیر چوخ عالی تحصیل موسیسهلری، مثلاّ، XAİ (هاواجیلیق)، MTU" XPİ" (پولیتکنیک)، XAYİ (اوتوی ول) کیمی، یالنیز اوکرایندا یوخ، همچنین اونون حودودلاری خاریجینده مشهوردورلار. خارکیفین عالی مکتبلری ان موختلیف ایختیصاصلاشمالارا مالیکدیر: تکنیکی، اکینچیلیک، حربی، طیبی، ایقتیصادی. خارکیفین عالی تحصیل موسیسهلرینده 200 میندن چوخ طلبه اوخویور، و اونلاردان آراسیندا تخمیناً 12 مینی خاریجی طلبهلردیر.
همچنین شهرده 142 علمی تدقیقات اینستیتوتو، 16 موزه، شهر شکیل قالریسی، 6 دؤولت تئاتری و 80 کیتابخانا ایشلهییرلر.
اهالیسی
خارکیفین65%-دن چوخ ساکینی روس دیلینی اؤز آنا دیلی حساب ائدیرلر.
خارکیفین متالیست ایستادیومو
خارکیفین دیقتهلاییق یئرلرینین آراسیندا خارکیفلیلر اؤزلری آزادلیق مئیدانینی آدلاندیریرلار، هانسی کی، شهرین مرکزی ساحهسیدیر؛ خارکیف پلانتاریسی؛ هله روسیه ایمپراتورلوغو دؤورونده آچیلمیش خارکیف حئیوانات پارکی؛ MDB-دا ان بؤیوک اولان خارکیف دلفیناریومو، همچنین شهرین اساس متاللیست ایستادیومو، هانسیندا کی، عئینی آدلی یئرلی فوتبال کلوبو اؤز اویونلارینی کئچیریر. خارکیف شهرینین اهالیسینی تخمیناً 1،5 میلیون دایمی ساکین تشکیل ائدیر. شهرده جمعی 111 میلتین نومایندهلری یاشاییرلار.
قارداش شهرلر
بلقورود, روسیه (2001)
بولونیا, ایتالیا (1966)
برنو (چک), چک جومهوریتی (2005)
چتینیه, مونتونقرو (2011)
سینسیناتی, آمریکا (1989)
دائجون, گونئی کوره (2013)
Daugavpils, لاتویا (2006)
غازی عینتاب, تورکیه (2011)
گئروسکیپو, گونئی قیبریس (2018)
Jinan, چین (2004)
Kaunas, لیتونی (2001)
Kutaisi, گورجوستان (2005)
Lille, فرانسه (1978)
Maribor, ایسلوونی (2012)- موسکو, روسیه (2001)
- Nizhny Novgorod, روسیه (2001)
- Novosibirsk, روسیه (2011)
Nuremberg, آلمان (1990)- Polis, گونئی قیبریس (2018)
Poznań, لهستان (1998)
Rishon LeZion, اسرائیل(2008)- Saint Petersburg, روسیه (2003)
- تیفلیس, گورجوستان (2012)
- Tianjin, چین (1993)
تیرانا, آلبانی (2017)
Trnava, اوسلاواکی (2013)
وارنا, بولغاریستان (1995)
خارکیفین گؤرونتولری
- خارکیف شهر مرکزینده معماری
کؤچورن: عباس ائلچین
