جین مسجیدی
جین مسجیدی — باکیدا ایچری شهرده یئرلشن و یئرلی اهمیتلی آبیده اولان مسجید.
حاقیندا
مسجید شیروانشاهلار سارای مجموعهسینه داخیل اولوب شرق داروازاسینین آشاغی حیصهسینده یئرلشیر. فاساد اوزرینده اپیقرافیک یازی یوخدور. 14.عصرده اینشا اولوندوغو و آدینی قورانی کریمده کی جین سورهسیندن آلدیغی احتیمال ائدیلیر. محلله مسجیدی رولونو اوینامیشدیر. پلاندا اوزادیلمیش دؤردبوجاق شکیلده اولان بو بینا، چاتما فورمالی داش قوببه ایله اؤرتولموش بیرحوجرهلی عیبادت سالونو تشکیل ائدیر. اوخ اوزره اینتریئرین جنوب دیواریندا دؤردبوجاق چرچیوه یه آلینمیش بئش پللهلی ایستالاکتیک محرابشیروان-آبشرون معمارلیق مکتبینین موعین کومپوزیسیون موتیوینی بوتؤولوکله تشکیل ائدیر. جیناحلاردا کیچیک تاخچالار یئرلشدیریلمیشدی. اساس فاسادی آسیمتریک اولان مسجیدین سرت، ایری حجملی کومپوزیسیونو، کلاسیک تیپلی پورتال-گیریشله وورغولانیر. پورتالین دقیق پروفیللنمیش دؤردبوجاق چرچیوهسی، فاسادین بوتؤو داش دیوارینین فونوندا کلاسیک فورمادا تصویر ائدیلمیشدیر. مسجیدین پورتالی کلاسیک فورمایا مالیکدیر.
قالری
.JPG?uselang=azb)
قایناق
کؤچورن: عباس ائلچین
